-
EPRDFik 11 heele madab kobox hawasah massoyna inkittinaane raagteemih sabbatah sissikuk akkele axcuk margaqa beyan.
-
Naharsi kudok 6, 2012 EPRDFih Taama Selta Makaado daffeyteeh, 27 takke xongoloola kee 6 takke xongoloolak saduh tan asgalluk faaticisen.
-
Naharsi kudok 7, Taama Selta Makaado Inkittiino Partih Taddeerak Qagunta Walalak, EPRDF Malah Buxah Xayyoosen.
-
Naharsi alsak 9 EPRDFik Taama Selta Makaado "Leedâ Parti" iyya migaq EPRDFih Malah Buxah xayyoosoonuh Sittin Gey Aben. Naharsi kudok 11, 2012 EPRDF Malah buxa (TPLF edde ane kal) inki xongolol faatacisen.
-
Naharsi kudok 12, 2012 maybalaalaqa tewqeh qusba massoynah fooca fan tan afkanal.
-
Tahak lakal maqanxa kee kataytah tan eglaali (TPLF ik iroh) Prosperity Party luk inki tiyah agle loonum yiysixxigen.
-
Noobember alsak 14, Qafar Agatih Dimokraasih parti Prosperity partit asgalluh margaqa tatrusen.
-
Naharsi kudok 15, Gambellah Ummattah Inkittiinoh Demokraasih Angagoyyi (GPUDM) Inki Xongolol Faticisen Leedâ Massoyna Lih Angaaraw Luk Sugte.
-
Naharsi kudok 16, Benishangul Gumuz Ummattah Demokraasih Parti/BEGDP Kee SDPik Ciggilta Makaado Prosperity Parti Lih Angaaraw Luk Sugte. ADP kee ODP inki xongolol margaqa beyeenim November alsak 17 heele ayro gexsen sissik koboxul.Harari Agattiinah Liigik (HBL) 11haytoh addah xisneh daffeynal Prosperity Movement fanah cultem qaddoysen.
-
Naharsi kudok 18, SEP leeda eglat yangaloonuh faatacisen. Tama Ayro Naharsi Malaak Abiyyi Acmad Madqa Kee Miraaciinu Leh Tan Angaarawuk Gaba Kaleenim Yiysixxige.
-
Naharsi alsak 20, Prosperity partik naharsi daffeyna gexisseeh, Inkittiino partit yengeleh tan missoynaanih kutbeh buxaaxih saqolti edde tengele.
-
Noobember alsak 21 ayro Prosperity partit tengeleh tan eglaali Addis Ababal qaduuk sittin gey ferma taddeera gexsen (Prosperity parti qaduuk xissimte).
-
Naharsi kudok 24, Prosperity Parti, Dooro Bordih Fanah Madqah Mamaxxaga Akah Geyan Innah Essero Xayyossem Qaddosse. Wohuuk xabba haanam fayyale mirocti massoynah taddiiral walal qemmisen. Partik taamah afitte wagittaamal, Amaarah Af, Afan Oromo, Somalih Af, Tigray Af, Qafar Af taamah af akkuk doorimteh tanim kee parti baaxoh addal tan inkih tan afitteh mamaxxaga taceem qaddoysen.